Trailer de la versión doblada n'asturianu de "Night of the Living Dead", el clásicu de terror de George A. Romero.
07/08/10
05/08/10
L'Arribada 2010 desarrollaráse en Xixón, Corvera, Colunga y Villaviciosa
L'Arribada 2010 tien confirmao'l so desarrollu en cuatro conceyos d'Asturies, a la espera de la posible incorporación d'otros dos.
En Xixón emprimará la Vagamar el viniente 18 de setiembre y acabará'l 25 del mesmu mes, cola escepción dientro de les sos actividaes d'una esposición, dedicada a la cerámica negro de Miranda, que tará abierta del 20 de setiembre al 15 d'ochobre.
Per otra parte, la Rolda, nueva estaya del certame, entamó la so programación el pasáu 30 d'abril, tuvo una actividá'l 2 de xunu, y programará más actividaes nel últimu trimestre del añu.
En Corvera L'Arribada cuntará con dos xornaes, los díes 5 y 6 d'ochobre.
En Colunga fadráse'l 5 de payares.
En Villaviciosa, que tuvo yá una xornada esti añu'l 21 de mayu, entamaráse un segundu programa pal 27 de payares.
02/08/10
'A Bruxa de Brañavara', nuevu documental de Gonzali Producciones
 |
| Semeyu del artículu 'Una bruxa auténtica en Brañavara' publicáu va bien d'años pola revista Triunfo |
Pa principios de setiembre Gonzali Producciones tendrá acabáu un nuevu documental sobro la cultura tradicional asturiana tituláu A Bruxa de Brañavara, dirixíu por Illán Gonzali y empobináu por Alberto Álvarez Peña, y onde s'usa como llingua vehicular la fala o gallego-asturianu.
Nesti medimetraxe recuérdase que n'Asturies había homes y muyeres que teníen el don de ver a los muertos y falar con ellos. Tamién podíen ver a la Santa Compañía y nun-yos pasada nada, víen los entierros de xente prematuramente. En cuasi tolos conceyos asturianos había xente d’esa. Esti don garrábase porque fueren bautizaos con estola negra de Xoves o Vienres Santo, el día la muerte de Xesucristu.
En 1925 Villalaín na so “Topografía Médica de Corvera” falaba del Martón, un home vieyu que falaba con muertos. Inda queda recuerdu de Consuelo, d’Aldín (Barcia, Valdés), de Xuan de Samboldro (Serín, Xixón), Josenón d’Arnao (Castrillón) o Ramona de Rufabar (Piloña), que teníen el mesmu don. Yá en 1898 Bernardo Acevedo y Huelves falaba d’un muyer en Sampol (Bual) a la que diben a consultar los vecinos y xente d’otros conceyos pa conocer el paecer de los sos antepasaos muertos sobro les custiones d’esta vida.
Foi nesti mesmu conceyu onde nació Amparo, más conocida como A bruxa de Brañavara. Amparo poníase en trance pa comunicase colos muertos. Muncha ye la xente que tovía s’alcuerda d’ella o tien sintío falar de los sos socedíos. La so figura inda nun la escaecieren nestos conceyos occidentales.
Suscribirse a:
Entradas (Atom)
