Ta editándose'l documental L'últimu chalgueiru. Ye un productu d'una hora de duración que cuenta la historia de los buscadores de tesoros, tema mui recurrente nes lleendes asturianes. Testigos d’estes busques cuenten la so esperiencia, n’especial Emilio Fernández Cuervo, vecín de Sotu’l Barcu que dedicó gran parte de la so vida al llabor de chalgueiru, nome col que se conoz n’occidente a les persones que tán a la gueta d’ayalgues, y al que se-y dedica esti trabayu audiovisual que s'estrenare durante la xornada inaugural de l'Arribada 2009, el 18 setiembre del añu pasáu.
Imaxen d'Emilio Fernández Cuervo demientres la proyección de L'últimu chalgueiru na Arribada 2009L'últimu chalgueiru ye un documental de Gonzali Producciones. Ta dirixíu por Alberto Álvarez Peña ya Illán Gonzali, que tamién fizo'l montaxe. Rodáu per toa Asturies amuesa una gran bayura de rexistros propios del patrimoniu llingüísticu asturianu. Participaron nel rodaxe, colos sos testimonios, amás d'Emilio Fernández Cuervo, Mª. Cruz Arenas, Pepe Veiga, Julián Menéndez García, José María Álvarez, Rogelio Álvarez Fernández, Amparo Pardo Rodríguez, Secundino González Suárez, Celestina Riesgo Castro, Lolu del Revel.lón, Alicia Rodríguez Pérez, José Antonio Lozano, Gabino María García, Abel Jardón Méndez, Jovino Iglesias, José Suárez Fernández y Arturo González Fernández.
Infomación complementario en Homenaje a Emilio Fernández Cuervo, nel blogue de Miki López, nietu d'esti recordáu chalgueiru.
0 comentarios:
Publicar un comentario en la entrada